ძალადობას
მომავალი
არ გააჩნია

ძვირფასო მორწმუნენო!

წმინდა ყურანის აიათში უზენაესი გამჩენი ასე ბრძანებს:

„უეჭველად, რომელთაც უარყვეს[1] და ცოდვა ჩაიდინეს, არ იქნება ალლაჰმა შეუნდოს  მათ  და არ იქნება, რომ დაადგინოს ისინი სწორ გზას“, (ნისა 4/168)

ჰადისის მიხედვით კი ძვირფასი შუამავალი ასე გვმოძღვრავს: „დაჩაგრულის წყევლას ერიდე, რადგან მასა და ღმერთს შორის ფარდა არ არის“. (იხ. მუსლიმ, „იმან“, 29)

ძვირფასო მორწმუნენო!
ჩვენი უზენაესი რელიგია, ისლამი,  მშვიდობისა და კეთილდღეობის, სამართლიანობისა და წყალობის რელიგიაა. ისლამის თანახმად, ყველა ადამიანს აქვს რელიგიის, სიცოცხლისა და ქონების ხელშეუხებლობის უფლება. ჩვენმა უსაყვარლესმა შუამავალმა (ს.ა.ვ) რომელიც წყალობის მაცნედ იყო გამოგზავნილი, მთელ მსოფლიოს ასწავლა, რომ ომსაც აქვს მორალი და კანონები. ალლაჰის შუამავალმა ბრძანა, რომ ქალები, მოხუცები, ბავშვები, ტაძრები და მცენარეები და ცხოველებიც კი არ უნდა დაზარალდნენ, თუნდაც ომში.

ძვირფასო მორწმუნენო!
ამ ძვირფას პარასკევ დღეს, რომელიც მორწმუნეთა დღესასწაულია, გული უსაზღვროდ გვწყდება, რადგან იერუსალიმსა და პალესტინაში, რომელიც ჰზ. ომარმა გაათავისუფლა და მშვიდობის ქვეყნად აქცია, უდანაშაულო ადამიანებს უმოწყალოდ ხოცავენ. ჩვენი მორწმუნე ძმები და დები დევნილები არიან თავიანთი სამშობლოდან და სახლებიდან. მსოფლიოს ყველაზე დამანგრეველი ბომბების ქვეშ უდანაშაულო ბავშვების, ქალებისა და მოხუცების ტირილი ყველა ადამიანის სინდისს ღრმა ჭრილობად ედება.

ძვირფასო მორწმუნენო!
დაახლოებით ერთი საუკუნის წინ, პალესტინის მიწებზე მშვიდობა და სიმშვიდე დასრულდა და უთანხმოებისა და ჩაგვრის თესლი დაითესა. მუსლიმური გეოგრაფიის გულში ჩარჩენილი ჟანგიანი ხანჯლის მსგავსად, ისრაელი ყველა სახის ჩაგვრას მიმართავს მუსლიმების წინააღმდეგ მის მიერ ოკუპირებულ მიწებზე. ის იგნორირებას უკეთებს საერთაშორისო კანონს და ადამიანის უფლებებს და ყოველდღიურად უხეშად არღვევს მათ. მან იერუსალიმის, როგორც კაცობრიობის ერთ-ერთი უძველესი ქალაქის და ღვთაებრივი რელიგიების მიერ წმინდად მიჩნეული ადგილის პრესტიჟი ძალიან დააზიანა. მან დაარღვია მესჯიდ ალ-აქსას, ჩვენი პირველი ყიბლესა და წმინდა ტაძრის ხელშეუხებლობა.

ძვირფასო მორწმუნენო!
სამწუხაროდ, დღეს ჩვენი სამყარო გარშემორტყმულია ომებით, ოკუპაციებითა და გლობალური კრიზისებით. ამ მძიმე მდგომარეობის ფასს ყველაზე მეტად სუსტები, უმწეოები და ბავშვები იხდიან. ის, რაც ღაზაში მოხდა, ამის ყველაზე ნათელი მაგალითია. ისრაელმა წლების განმავლობაში ღაზა, პალესტინის ქალაქი, მსოფლიოს უდიდეს ღია ციხედ აქცია. ამის შედეგად ჩვენი თანამორწმუნე ძმები ელემენტარული მოთხოვნილებების დაკმაყოფილების თვალსაზრისითაც კი მრავალ სირთულეს აწყდებოდნენ. ჩვენი და-ძმები დევნილები არიან თავიანთი ადგილიდან და სამშობლოდან. მათ ქონება და სახლები უსამართლოდ წაართვეს.  ღაზას ციდან სასიკვდილო ბომბები ცვივა და უდანაშაულო ქალებს, ბავშვებსა და მოხუცებს უმოწყალოდ კლავს. დღეს ისტორიაში უდიდესი ბოროტება მიმდინარეობს მთელი მსოფლიოს თვალწინ. მთელი ამ ჩაგვრისა და ძალადობის ფონზე, მუსლიმებს სხვა გზა არ აქვთ, გარდა წინააღმდეგობის გაწევისა თავისუფლებისთვის ბრძოლაში.

ძვირფასო მორწმუნენო!
კაცობრიობის ისტორიულმა გამოცდილებამ გვაჩვენა, რომ ძალადობა მუდმივი არასოდეს იქნება. ყველა დიქტატურა, რომლებიც მუსლიმების ჩაგვრას ახორციელებდნენ, ადრე თუ გვიან განადგურდა. ყურანში უზენაესი გამჩენი ასე ბრძანებს:

„მათ სურთ თავიანთი ბაგეებით ჩაქრობა  ალლაჰის ნათელისა, მაგრამ ალლაჰი განავრცობს თავის ნათელს, თუნდაც ეს არ მოსწონდეთ ურწმუნოებს“. (საფ, 61/8)

ძვირფასო მორწმუნენო!
როგორც მუჰამედის მიმდევრებმა, ჩვენი მოვალეობაა შევინარჩუნოთ ერთიანობა და ვიმოქმედოთ, როგორც ძმებმა. ეს არის ჩვენი ძმობის კანონის შენარჩუნება. ჩვენი მიზანია გავუწიოთ მატერიალური და მორალური მხარდაჭერა ჩვენს პალესტინელ ძმებს მათ კანონიერ ბრძოლაში. ეს არის ყოვლისმომცველი ძალისხმევა მათი ოკუპირებული მიწების დასაბრუნებლად. არ ენდოთ ცრუ და შეცდომაში შემყვან ინფორმაციას და პოსტებს. მთელი ძალით ვიმუშაოთ, რომ ვიყოთ ძლიერები ყველა სფეროში და აღვადგინოთ წესრიგი, რომელიც დედამიწაზე მშვიდობასა და სამართლიანობას მოიტანს.

ძვირფასო მორწმუნენო!
მოდით, მთელი გულით გამჩენს მივეკედლოთ და გულწრფელად შევევედროთ: ღმერთო ჩემო! დაეხმარე ჩვენს უმწეო და ჩაგრულ პალესტინელ ძმებს, რომლებსაც ხოცავენ მთელი მსოფლიოს თვალწინ! დაეხმარე ყველა ჩაგრულ ხალხს დედამიწაზე! დაიცავით ჩვენი ქვეყანა, ჩვენი ერი და მთელი კაცობრიობა ყოველგვარი ბოროტებისგან! მიანიჭეთ მუჰამმედის მიმდევრებს ერთიანობა და სოლიდარობა, გამჭრიახობა და წინდახედულება! აამინ!

[1] ალლაჰი