რამადან
ბაირამი

ძვირფასო მუსლიმებო!
დღეს ჩვენ ვზეიმობთ რამადან ბაირამს.

გული მადლიერებით გვევსება, რომ უზენაესმა ალლაჰმა გვარგუნა წმინდა რამადანის თვის მარხვითა და მსახურებით გატარება; ამასთან, სიხარულით ვეგებებით ამ მადლიან დღესასწაულს — ბაირამის მოსვლას.

ბაირამი არის ერთობისა და ერთსულოვნების დღეები. ჩვენი საყვარელი შუამავალი, მუჰამმედი (ს.ა.ს.) გვასწავლის: „არ გაწყვიტოთ ერთმანეთთან კავშირი, არ შეიქციოთ ზურგი ერთმანეთს, ნუ გადაემტერებით ერთმანეთს, ნუ შეგშურდებათ ერთმანეთის. ალლაჰის მონა–მსახურნო! იყავით როგორც ძმები!“ (თირმიზი, ბირრი და სილა, 24)

როგორც მუჰამმედის (ს.ა.ს.) თემი, თუ შევძლებთ წყენისა და განდგომის დასრულებას, გვერდზე გადავდებთ განხეთქილებასა და დაყოფას, მაშინ ბაირამის სიხარულსა და ბედნიერებას კიდევ უფრო ღრმად შევიგრძნობთ.

თუ გავუფრთხილდებით ჩვენს ერთობას, გულწრფელად გავუხსნით გულს ერთმანეთს და ფხიზლად ვიქნებით მათ მიმართ, ვინც განხეთქილების დათესვას ცდილობს — მაშინ ყოველი დღე შეიძლება დღესასწაულად ვაქციოთ.

ძვირფასო მორწმუნეებო!
ბაირამი არის ის დღეები, როცა ოჯახი ერთად იკრიბება, სითბოსა და სიყვარულს იზიარებს, ერთმანეთის გვერდით ყოფნით სიხარულს განიცდის. ეს არის დრო, როცა პატივს მივაგებთ მშობლებს, ვუსურვებთ მათ ჯანმრთელობას და ვიღებთ მათ ლოცვა-ვედრებას.

ბაირამი არის ის დღეები, როცა ვასრულებთ ალლაჰის შუამავალის (ს.ა.ს.) რჩევას: „ადამიანებო! გაავრცელეთ სალამი, დააპურეთ ადამიანები, დაიცავით ნათესაური კავშირები და როცა სხვები სძინავთ, ლოცვა აღასრულეთ — და მშვიდობით შედით სამოთხეში.“ (იბნი მაჯე, ეტღ’იმე, 1)

ამ დღეებში ჩვენ ვზრუნავთ ნათესავურ და სამეზობლო უფლებებზე.

პატივცემულო მუსლიმებო!
ბაირამი არის ის დღეები, როცა ვცდილობთ დავიმსახუროთ შუამავალის (ს.ა.ს.) სასიხარულო სიტყვები: „ვინც თავის ძმას საჭიროებას მოუგვარებს, ალლაჰიც მის საჭიროებას მოუგვარებს.“ (მუსლიმი, ბირრი, 58)

ამ დღეებში ვეხმარებით გაჭირვებულებს, ვამსუბუქებთ გაჭირვებულთა ტკივილს და ვდგავართ ჩაგრულთა გვერდით.

ბაირამი ასევე არის დრო, როცა ვიხსენებთ და ვსტუმრობთ ჩვენს გარდაცვლილებს, ჩვენი წინაპრების საფლავებს და მათთვის გამჩენს შევევდროთ.

ძვირფასო მორწმუნეებო!
მუჰამმედის (ს.ა.ს.) მაგალითი — როცა უჰუდის ბრძოლის შემდეგ დაობლებულ ბავშვს უთხრა: „არ გინდა, რომ მე ვიყო შენი მამა და აიშა — შენი დედა?“ (იბნი ხაჯერი, ისაბე, I, 302)  — გვასწავლის, თუ როგორ უნდა მოვეპყროთ ობლებს სიყვარულით, სითბოთი და მზრუნველობით.

დღეს ჩვენც, მუჰამმედის (ს.ა.ს.) კეთილი ზნეობის მიბაძვით, ვიზრუნოთ ობლებსა და მზრუნველობა მოკლებულ ბავშვებზე, გავუზიაროთ მათ ბაირამის სიხარული.

პატარებითა და დიდებით, ახალგაზრდებითა და მოხუცებით, ავადმყოფებითა და ჯანმრთელებით — ობლებითა და ყველა ბავშვით — ერთად ვაქციოთ ეს დღეები ნამდვილ ბაირამად ერთმანეთისთვის, სიყვარულისა და ერთობის დღესასწაულად.

ძვირფასო მუსლიმებო!
გილოცავთ რამადან ბაირამს და შევთხოვოთ უზენაეს ალლაჰს, რომ განსაკუთრებით მესჯიდ ელ-აყსას და ყველა ჩაგრულ რეგიონს, ტანჯულ ადამიანებსა და უსახლკაროდ დარჩენილ ხალხს უკეთესი დღეები მოუტანოს.

ხუტბას დავასრულeb უზენაესი ალლაჰის სიტყვებით: „თაყვანი ეცით ალლაჰს და არავინ გაუხადოთ თანაზიარი მას. და კარგად მოეპყარით მშობლებს, ახლობლებს, ობლებს, ღატაკებს, მეზობლებს, ნათესავებსა და უცხოებს, თანამოძმეებს, მოგზაურებს და მათ, რომელნიც თქვენმა მარჯვენამ მოიპოვა. უეჭველად, ალლაჰს არ უყვარს, ვინც არიან ქედმაღალნი, მედიდურნი.“ (ნისა 4/36)