ახალგაზრდები ჩვენი ეროვნული და
სულიერი ღირებულებების მემკვიდრეები არიან.

ძვირფასო მორწმუნენო!
ერთ-ერთი უდიდესი წყალობა, რომელიც ჩვენმა უზენაესმა გამჩენმა მოგვმადლა, ახალგაზრდობაა. ახალგაზრდობა არის პერიოდი, როდესაც ჩვენ განვიცდით ფიზიკურ, სულიერ და ემოციურ ცვლილებებს და ვავითარებთ ჩვენს ხასიათსა და პიროვნებას. ადამიანი თავის მომავალს დიდწილად ახალგაზრდობაში აყალიბებს. ყველა ის ზნეობრივი ღირებულება, როგორიცაა წესიერება და ზნეობა, სიყვარული, პატივისცემა, მოთმინება და შემწყნარებლობა ამ პერიოდში ფორმირდება.

ძვირფასო ახალგაზრდა მეგობარო!
შენ ისლამის ძვირფასი ჯარისკაცი ხარ. შენ ხარ ჩვენი სახელმწიფოსა და ერის იმედი. თქვენ, მომავალი თაობა, ჩვენი ეროვნული და სულიერი ფასეულობების მემკვიდრეები ხართ. ჩვენი წინაპრების იმედი, რომლებმაც შეცვალეს ისტორიის მიმდინარეობა, თქვენს მხრებზეა. თქვენი მიმართულება ნათელია ყურანისა და სუნას ხელმძღვანელობით. თქვენ, ჭეშმარიტების ძიებაში და ერთიანობისთვის ბრძოლაში, შუამავალ აბრაამის მსგავსად მიზანდასახული უნდა იყო. შენს არსში ურყევი პოზიციაა ყურანის აიათში შექებული შუამავლის მეგობრების მსგავსად.

„ჩვენ მოგიყვებით შენ მათ ამბავს ჭეშმარიტებით. უეჭველად, ეგენი იყვნენ ჭაბუკები, რომლებმაც ირწმუნეს თავიანთი ღმერთი და გავუძლიერეთ წრმენა ჭეშმარიტებისა“. (ქეჰფ, 18/13)

 თქვენ ხართ ჩვენი შუამავლის კვალდაკვალ მიმავალი თაობა და ჩვენ ყველამ ვიცით, რომ ის არის ახალგაზრდობის ერთადერთი მეგზური, კარგი ზნეობის განსახიერება, და სამყაროს წყალობა. შენ იმსახურებ, რომ მის მოძღვრებას მისდიო და უკეთესი სამყაროს ასაშენებლად შენი წვლილი შეიტანო.

ძვირფასო მშობლებო!
ჩვენს ახალგაზრდებს სურთ, გულწრფელად მოვუსმინოთ მათ აზრს. ისინი ჩვენგან ელიან, რომ ვენდობით, პატივს ვცემთ და მხარს ვუჭერთ მათი მიზნების მიღწევაში. ასე რომ, დრო დავუთმოთ ჩვენს ახალგაზრდებს. მოდით მოვუსმინოთ მათ გულწრფელად. მოდი, ნუ შევეწინააღმდეგებით მათ სიყვარულს და მისწრაფებებს. ვიყოთ მათთვის უსაფრთხო თავშესაფარი. მოდით, გავზარდოთ იმ ეპოქის პირობების მიხედვით, რომელშიც იქნებიან. მოდით გავაერთიანოთ მათი მღელვარება და ენერგია ისლამის თანაგრძნობით და ჭეშმარიტებისკენ მიმავალი გზა სწორად ვაჩვენოთ.

ძვირფასო მშობლებო!
მშობლების ლოცვა-ვედრება განსაკუთრებით მნიშნელოვანია. მოდით ხშირად დავლოცოთ შვილები და სიკეთე ვუსურვოთ. შუამავალ აბრაამის ვედრებას მოვუსმინოთ:

„ღმერთო ჩემო! მქმენ მეც და ჩემი შთამომავალნიც, ლოცვის მართებულად აღმსრულებელნი. ღმერთო ჩვენო! შეისმინე ჩემი ვედრება!“ (იბრაჰიმ, 14/40)

ძვირფასო მორწმუნენო!
ჩვენს ახალგაზრდობას სამყაროს სწორად აღქმაში ჩვენგან გულწრფელი დახმარება სჭირდება. ჩვენი წვლილი მნიშვნელოვანია ადამიანური არსებობის მიზნის გაგებაში და იმ ღირებულებების მიღებაში, რომლებიც გვაერთიანებს როგორც ერს. ჩვენი საერთო პასუხისმგებლობაა ვასწავლოთ ჩვენს ახალგაზრდებს ჩვენი ისტორია, რელიგია, ტრადიციები და ღრებულებები, რადგან ისინი არიან ჩვენი მომავლის გარანტი და ჩვენი მომავლის იმედი. ჩვენი საერთო მოვალეობაა აღვზარდოთ ახალგაზრდობა, რომლებსაც ალლაჰის რწმენა, ოჯახისადმი ერთგულება, ჩვენი ერის სამსახური და კაცობრიობისთვის სასარგებლო საქმის კეთება დიად მიზნად ექნებათ. არ დაგვავიწყდეს, რომ უსაფრთხო მომავლის მშენებლობაში მთავარი აქტორები ჩვენი ახალგაზრდები იქნებიან.

ამ დღესთან დაკავშირებით, მადლიერებით ვიხსენებთ ჩვენს დიდებულ წინაპრებს, რომლებმაც მოგვიტანეს ჩვენი ეროვნული და სულიერი ფასეულობები.  ასევე მადლიერებით ვიხსენებთ მოწამეებსა და გმირ ვეტერანებს, რომლებმაც სიცოცხლე შესწირეს ჩვენი რელიგიის, სამშობლოსა და უკეთესი მომავლისათვის.

ხუტბას ბოლოს კი შუამავლის ჰადისს მოვუსმინოთ: „განკითხვის დღეს, როდესაც ჩრდილი არსად იქნება, უზენასი გამჩენის არშის ჩრდილში შვიდი კატეგორიის ადამიანები შეეფარებიან და ამათგან ერთ-ერთი ის ახალგაზრდები იქნებიან, რომლებიც სიხარულსა და სიმშვიდეს ღვთისადმი მორჩილებასა და ღვთისმსახურებაში პოულობენ“. (იხ. ბუჰარი, „ეზან“, 36)