En Son HaberlerManşetlerSon Dakika

სოფიო საქართველოდან, რომელიც მუსლიმი გახდა

ეროვნებით ქართველი სოფიო პატარიძე (დაბ. 1984 წ), რომელიც მართლმადიდებელი ქრისტიანი იყო, რამადანის მარხვის პირველ დღეს ანუ 2019 წლის 6 მაისს სტამბოლში, გაზიოსმანფაშას სამუფტოში გამართულ სპეციალურ ცერემონიალზე მუსლიმი გახდა და ახალი სახელი, საფიე დაირქვა.

 საფიე პატარიძემ რწმენის ფორმულა შაჰადა გაზიოსმანფაშას მუფტის, ოსმან შენის წინაშე წარმოთქვა. მან განაცხადა, რომ ისლამის შესახებ ინფორმაცია იმ წიგნებიდან მიიღო, რომლებსაც თურქეთში მოღვაწე საქართველოს მოხალისეები ავრცელებენ: „ისლამის შესახებ რაც უფრო მეტს ვკითხულობდი და მეტ ინფორმაციას ვღებულობდი, უფრო და უფრო ვრწმუნდებოდი, რომ ამ სარწმუნოების რწმენისა და ღვთისმსახურების პრინციპები და ზნეობრივი საზომები ცხოვრების ჩემეულ აღქმასა და ლოგიკასთან ძალიან ახლოს იყო, ამიტომ ჩემი ცნობისმოყვარეობა და ინტერესი ძალიან გაიზარდა. ამის გამო მე ჩამოვედი თურქეთში და ისლამის შესახებ ცოდნა უფრო გავიღრმავე. აქ ძალიან კარგი მეგობრები გავიცანი. დღეს მათთან ერთად მუფტის წინაშე წარვსდექი და შაჰადა წარმოვთქვი, რის შედეგადაც მუსლიმი გავხდი“. – ამბობს საფიე პატარიძე.

პატარიძემ ასევე აღნიშნა, რომ ბოლო წლებში მის ქვეყანაში ბევრმა ადამიანმა აღიარა ისლამი. „მადლობა ღმერთს, უკვე მეც მუსლიმი ვარ“ – თქვა მან და განმარტა, რომ ძალიან ბედნიერი იყო.

გაზიოსმანფაშას მუფტი ოსმან შენი კი თავის ინტერვიუში აცხადებს: „ეს ძვირფასი ქალბატონი საქართველოში, ქალაქ ქუთაისში ცხოვრობს. მოგეხსენებათ თურქეთში ქართულ ენაზე იბეჭდება რელიგიური შინაარსის წიგნები, რომლებიც საქართველოში მცხოვრებ მუსლიმებს ეგზავნებათ, რათა ცოდნა გაიღრმავონ. ისლამის შესახებ ინფორმაციას, ქალბატონი საფიე, სწორედ ამ წიგნების საშუალებით გაეცნო და დაინტერესდა. მალე ეს ინტერესი ქმედებაში გადაიზარდა და საფიე, ღვთის შეწევნითა და ნებით მუსლიმი გახდა. მე მას მთელი გულით ვულოცავ“.

მუსლიმგეორგია
საერთაშორისო საქველმოქმედო ფონდი

Comment here